Ársþing KSÍ

Við hjá Fylki erum ótrúlega stolt af frábæra félaginu okkar. Félagið fékk verlðlaun á ársþingi KSÍ um helgina fyrir vel unnin störf og góða framkomu.

Verðlaunin:
• Á 72. ársþingi KSÍ voru veittar viðurkenningar fyrir háttvísi í deildarkeppni. Dragostytturnar eru veittar í Pepsi-deild karla og Inkasso deildinni en sérstök háttvísiverðlaun í öðrum deildum.
Pepsi-deild kvenna - Kvennabikarinn: Fylkir

• Dragostyttur: 
Inkasso deild karla: Fylkir og Fram

• Fylkir hlýtur Dómaraverðlaun KSÍ
Fylkir hefur verið með öflugt dómarastarf í gegnum tíðina
Dómaraverðlaunun í ár hlýtur Fylkir fyrir öflugt dómarastarf í gegnum tíðina. Ásamt því að sinna vel málaflokknum í þeim leikjum sem félagið ber ábyrgð á að manna, hafa margir dómarar skilað sér frá Fylki inn í dómarahópinn sem starfar fyrir KSÍ. 
Á dögunum stofnaði Fylkir dómararáð sem í sitja núverandi og fyrrverandi landsdómarar. Markmið og hlutverk dómararáðs er eftirfandi: 
• Móta stefnu félagsins í dómaramálum 
• Styðja við unga dómara
• Halda utan um hóp efnilegra dómara
• Bæta umhverfi dómara félagsins 
• Vera með fræðslu fyrir dómara. 
Metnaðarfullt framtak sem önnur félög gætu tekið sér til fyrirmyndar og mun vonandi skila sér í enn öflugri dómurum í framtíðinni.

Á myndinni eru fulltrúar Fylkis á Ársþingi KSÍ
Þorvaldur Árnason Mfl,ráði kk
Kjartan Hrafn Kjartansson BUR
Halldór Steinsson Mfl,ráði kvk
Kolbrún Hrund Sigurgeirsdóttir Stjórn KND

Vinningsnúmer í happadætti á herrakvöldi Fylkis 2018

Happdrættisvinningar á Herrakvöldi Fylkis 2018 -vinningsnúmer

Birt með fyrirvara vegna innsláttarvillna

  1. Flug fyrir tvo til Evrópu með Icelandair, vegleg gjafakarfa frá Ölgerðinni, gjafabréf fyrir tvo í Laugar Spa, rútuferð fyrir tvo með Gray Line til og frá Keflavíkurflugvelli og veglegur gjafapakki frá Jóa Fel. (nr. 226)
  1. Gjafabréf að verðmæti 25.000 kr. hjá VITA, rútuferð fyrir tvo með Gray Line til og frá Keflavíkurflugvelli, tvær frískoðanir frá Aðalskoðun, Makita bluetooth vinnuhátalari frá Þór ehf, gjafabréf fyrir tvo í Laugar Spa og gjafabréf fyrir tvo í brunch á Hilton. (nr. 2144)
  1. Lenova spjaldtölva frá Origo, Makita hleðsluborvél frá Þór hf, gjafabréf fyrir tvo hjá Natura, veglegur gjafapakki frá Jóa Fel, stuðningsmannatreyja Íslenska landsliðsins frá Henson og 5.000 kr gjafabréf hjá Smurstöðinni Hyrjarhöfða. (nr. 725)
  1. Glæsilegt Henry London úr frá Meba, Whiskey glös frá Tékk Kristall, brunch fyrir tvo hjá Slippbarnum, bílavörur frá Wurth, Alþrif hjá Lúxusbón,vasaljós frá Þór hf og lambalæri frá Ferskar kjötvörur. (nr. 687)
  1. Gisting fyrir tvo á Hótel Heiðmörk auk morgunverðar, Fylkisúlpa frá Wurth, veglegur gjafapakki frá Jóa Fel, lambalæri frá Ferskar kjötvörur, gjafapakki frá Dr.Leður að verðmæti 6.000 kr, tveir bíómiðar frá Sambíóunum, ostakarfa frá Mjólkursamsölunni og tvö gjafabréf á Rakang Thai/Blástein. (nr. 1352)
  1. Gisting fyrir tvo hjá Midgard Basecamp á Hvolsvelli auk morgunverðar, 5000 kr gjafabréf hjá Smurstöðinni Hyrjarhöfða, gjafabréf hjá MAX1 að verðmæti 10.000 kr, Hamborgaratilboð og bjór á Íslenska barnum fyrir tvo, stuðningsmannatreyja Íslenska landsliðsins frá Henson og gjafakarfa frá Ölgerðinni. (nr. 1759)
  1. Gjafabréf í Snorkel í Silfru fyrir tvo frá Iceland Advice, Fylkisúlpa frá Wurth, tveir bíómiðar frá Sambíóunum, gjafapakki frá Dr.Leður að verðmæti 6.000 kr, gjafakort fyrir tvo í Laugar Spa, gjafabréf í brunch hjá Hilton og gjafakarfa frá Innes. (nr. 830)
  1. Gjafabréf í fjórhjólaferð fyrir tvo frá Safari Quads, gjafakarfa frá Ölgerðinni, Porsche rauðvínsflaska frá Bílabúð Benna, ostakarfa frá Mjólkursamsölunni, tvö gjafabréf frá Rakang Thai/Blástein, tveir bíómiðar frá Sambíóunum og bílavörur frá Wurth. (nr. 1240)
  1. Fylkisúlpa frá Wurth, gjafabréf að verðmæti 10.000 kr frá Merlo Seafood, gjafabréf frá Laugar Spa fyrir tvo, gjafapakki frá Dr.Leður að verðmæti 6.000 kr, stuðningsmannatreyja Íslenska landsliðsins frá Henson, tveir bíómiðar frá Sambíóunum og gjafabréf frá Rakang Thai/Blástein. (nr. 538)
  1. Gjafabréf að verðmæti 10.000 kr í Kjötsmiðjuna, gjafapakki frá Dr.Leður að verðmæti 6.000 kr, bílavörur frá Wurth, fjarstýrður Volvo rafmagnsbíll frá Brimborg, gjafabréf á Grillmarkaðinn, tveir bíómiðar frá Sambíóunum og gjafabréf frá Rakang Thai. (nr. 1767)
  1. 5 viku passar í World class, Chicas Whiskey frá Mekka Wines og Spirits, hárvörur frá Zoo hárgreiðslustofu að verðmæti 6.000 kr, gjafabréf að verðmæti 3.000 kr frá Ruby Tuesday, sex gjafabréf frá Quiznos og 6 kippur af AVA drykk frá Ölgerðinni. (nr. 1662)

Helgi Valur Daníelsson semur við Fylki

Helgi Valur Daníelsson skrifaði í dag undir samning við Fylki. Þetta eru frábærar fréttir fyrir Fylki en Helgi hefur verið lengi í atvinnumennsku og ætlar nú að koma aftur til Fylkis. 

Helgi sem er uppalinn Fylkismaður hefur átt farsælan feril sem leikmaður. Hann spilaði 68 leiki í meistaraflokki Fylkis áður en hann fór í atvinnumesku en þar spilaði hann yfir 300 leiki með liðum eins og Peterborough í Englandi, Öster, Elfsborg og AIK í Svíþjóð, Hansa Rostock í Þýskalandi, Beleneses í Portúgal og AGF í Danmörku en þar kláraðist samningur hans 2015. Helgi hefur spilað 38 leiki með yngri landsliðum og 33 leiki með A landsliði Íslands.

Helgi sem er fæddur árið 1981 spilaði síðast með AGF í atvinnumennsku en hefur búið í Portúgal síðustu ár. Nú er hann á heimleið til að spila með uppeldisfélaginu sínu.

,, Þetta eru frábærar fréttir fyrir Fylki. Helgi er frábær fótboltamaður, uppalinn hjá félaginu og hefur átt farsælan feril sem leikmaður. Það er gott að fá Helga til okkar aftur til að taka þátt í spennandi tímum sem eru framundan hjá Fylki," segir Þorvaldur Árnason formaður meistaraflokks ráðs karla hjá Fylki

,, Það er algjörlega frábært að það hafi komið upp sú staða að ég gæti fengið tækifæri til að koma heim í uppeldisklúbbinn minn. Mér finnst ég vera tilbúinn í að koma heim og taka slaginn í Pepsí deildinni. Ég hef haldið mér ágætlega við eftir að ég hætti að spila sem atvinnumaður og stefni á að vera kominn í topp form sem allra fyrst," segir Helgi Valur Daníelsson leikmaður Fylkis