Ómar ráðinn þjálfari meistaraflokks kvenna

Ómar Örn Jónsson hefur verið ráðinn þjálfari meistaraflokks  og 3. flokks kvenna í handbolta hjá Fylki til næstu þriggja ára.  Ómar stýrði meistaraflokknum hluta af keppnistímabilinu síðasta.

Ómar Örn er öllum hnútum kunnugur í Árbænum, hefur starfað fyrir Fylki um árabil og hefur gegnt starfi yfirþjálfara yngri flokka í nokkur ár, en Ómar mun áfram gegna því starfi samhliða þjálfuninni á meistaraflokki og 3. flokki.

Meistaraflokkur kvenna mun á næsta keppnistímabili spila í 1. deild en hópinn skipa að mestu leikmenn sem uppaldir eru í Fylki og hafa spilað upp yngri flokkana og verður áfram lögð áhersla á það.

Freygarður Þorsteinsson, stjórnarmeðlimur handknattleiksdeileldar Fylkis undirritaði samninginn við Ómar sl. föstudag.  Við Fylkisfólk hlökkum til áframhaldandi samstarfs við Ómar, enda reynslumikill þjálfari þar á ferð sem hefur náð frábærum árangri.

omar undirskrift 002

Fylkir í úrslitum

Stelpurnar á yngra ári í 4ða flokki spila til úrslita um Íslandsmeistaratitilinn á morgun við HK hér í Fylkishöllinni. Leikurinn hefst kl 12.30 og við hvetjum Árbæinga til að mæta og hvetja stelpurnar! 
Stelpurnar í 4kv.yngra eru eina Fylkisliðið sem náði alla leið í úrslitin þetta árið þó litlu hafi munað hjá fleiri liðum. Þær eru búnar að vera að gera það gott í vetur, urðu deildarmeistarar með nokkrum yfirburðum og lönduðu bikarnum í Laugardalshöllinni fyrr í vetur. Mætum í Fylkishöllina á morgun og styðjum við bakið á þessum öflugu stelpum!
Meðfylgjandi er mynd frá bikarúrslitunum í vetur.

4kv

Handboltaveisla í Fylkishöllinni

Úrslitaleikir á Íslandsmóti yngri flokka í handbolta fer fram í Fylkishöllinni næsta föstudag 12.maí og laugardag 13. maí.  Þar munu 2.-4. Flokkur karla og 3.-4. Flokkur kvenna keppa um Íslandsmeistaratitla.  Við hvetjum alla til að líta við í Fylkishöllinni þennan dag því þar verður handboltaveisla allan daginn.

Föstudagur    
kl.19.00 3.fl karla Haukar - Valur
     
Laugardagur    
kl.09.00 4.fl kvenna E FH - ÍR
kl.10.45 4.fl karla Y KA - Valur
kl.12.30 4.fl kvenna Y Fylkir/ÍR - HK
kl.14.15 4.fl karla E Selfoss - HK
kl.16.00 2.fl karla Fram - Víkingur
kl.18.00 3.fl kvenna KA/Þór - Valur

Að mörgu er að hyggja fyrir svona dag og hefur undirbúningur staðið yfir í nokkurn tíma.  Okkur Fylkismönnum er mikið í mun að gera þennan dag sem skemmtilegastan og vanda vel til verka.  Þessi handboltahátíð hefur tekist vel hin síðustu ár og hefur þessi dagur verið afar skemmtilegur, bæði fyrir þá sem spila leikina sjálfa en ekki síður fyrir áhorfendur.

Það er handknattleiksdeild Fylkis, Barna- og unglingaráð og starfsfólk Fylkis sem kemur að undirbúningnum, en margar hendur þarf svo að vel takist til.

Við munum setja inn nánari upplýsingar hér á vefinn en jafnframt á Facebook síðu Fylkis.

Fara á Facebook síðu Fylkis

Sjáumst í Fylkishöll á laugardag!

Áfram Fylkir!

Stórleikur á föstudaginn !!

Á föstudaginn 24.mars kl 19:30 taka stelpurnar á móti Haukum í Fylkishöll.

Þessi leikur er gríðarlega mikilvægur fyrir stelpurnar í baráttunni um að halda sæti sínu í Olísdeild kvenna. Það er hreinlega skyldumæting á þennan leik fyrir alla Árbæinga !!!

Fjölmennum á leikinn og hvetjum stelpurnar í þessum mikilvæga leik og hjálpum þeim að ná þeim 2 stigum sem í boði eru.

Fylkir Haukar 3 Olísdeild kvenna

4. flokkur kvenna tvöfaldur bikarmeistari 2017

Um síðustu helgi fóru fram úrslit í Coca Cola bikarkeppni HSÍ. Fylkir átti tvö lið í úrslitum, 4. Flokkur kvenna eldri og yngri.

Eldra árið sigraði Fram í úrslitaleik. Fylkir náði hafði undirtökun nánast allan leikinn og þrátt fyrir að Fram hafi jafnað seint í fyrri hálfleik þá gaf Fylkisliðið ekkert eftir og náði aftur góðu forskoti. Að lokum var það Fylkir sem vann sanngjarnan sigur 21-16.

Alexandra Gunnarsdóttir var valin maður leiksins en hún varði 22 skot í marki Fylkis.

Markaskorarar Fylkis:

María Ósk Jónsdóttir 8, Elín Rósa Magnúsdóttir 6, Selma María Jónsdóttir 4, Elín Arna Tryggvadóttir 2, Thelma Lind Victorsdóttir 1.

Yngra árið lék gegn ÍBV. Fylkir hafði yfirhöndina mest allan leikinn en ÍBV var skammt undan og gerði harða atlögu að Fylki á lokamínútunum. En að lokum var það Fylkir sem sigraði 22-18, hálfleikstölur voru 10-9.

Maður leiksins var valinn Elín Rósa Magnúsdóttir úr Fylki.

Markaskorarar Fylkis:

Elín Rósa Magnúsdóttir 6, Selma Rósa Jónsdóttir 6, Katrín Tinna Jensdóttir 5, Hanna Karen Ólafsdóttir 4, Ásthildur Bertha Bjarkadóttir 1.

Þjálfarar 4. Flokks kvenna eru Ómar Örn Jónsson og Hildur Björnsdóttir.

Frábær árangur hjá Fylkisstúlkum og óskum við þeim til hamingju með árangurinn

Bikar 2 002

Bikar1 002

Stórleikur á miðvikudaginn!!

Á miðvikudaginn spila stelpurnar í 8-liða úrslitum í Coca-cola bikarnum en þá koma Fram stúlkur í heimsókn. Leikurinn hefst kl 19:30 og hvetjum við fólk til þess að fjölmenna á þennan leik og hjálpa stelpunum að komast í Final4 !!

Fylkir Fram Coke1 bikar2017