Fimleikar
Vorsýning fimleikadeildarinnar verður sunnudaginn 30. maí kl. 14:00 í Fylkishöll. Þema sýningarinnar að þessu sinni er söngleikir og verður farið vítt og breitt um sögu þeirra. Brot úr Söngvaseið, Footloose, High School Musical, Thriller, Bugsy Malone og fleiri söngleikjum verða sett á svið í Fylkishöllinni og hvetjum við alla til að koma og njóta þessarar uppskeruhátíðar fimleikanna.
Síðast uppfært: Miðvikudagur, 26. maí 2010 18:20
Landsbankamót fimleikadeildar Fylkis í hópfimleikum fór fram á sunnudagsmorgun í Fylkishöllinni. Þrjú lið voru mætt til keppni, auk heimaliðs Fylkis, og var gleðin mikil hjá stúlkunum. Margar þeirra voru að keppa í fyrsta skipti og stóðu þær sig mjög vel.
Síðast uppfært: Mánudagur, 19. apríl 2010 09:45
Fimm Fylkisstúlkur kepptu á Mílanó meistaramótinu sem fram fór í íþróttahúsi Bjarkar um helgina. Þar keppti besta fimleikafólk landsins í frjálsum æfingum. Stúlkurnar stóðu sig vel enda þótt þær væru flestar að keppa upp fyrir sig í styrkleikaflokki og Hildur Ólafsdóttir náði frábærum árangri með þriðja sæti í samanlögðum æfingum í stúlknaflokki. Hildur fékk silfur á stökki og gólfi og brons á tvíslá.
Síðast uppfært: Sunnudagur, 18. apríl 2010 16:50
Sunnudaginn 18. apríl heldur fimleikadeildin Landsbankamót í hópfimleikum byrjenda í Fylkishöllinni. Skráningu liða á mótið lauk þann 8. apríl og eru fjögur lið skráð til þátttöku. Tvö lið frá Ármanni, eitt frá Gróttu og eitt frá Fylki. Síðast uppfært: Föstudagur, 16. apríl 2010 14:13
Síða 1 af 8
