Club Orange

Club Orange var stofnað árið 2000 eftir að þrengdist í Korthafa – kaffinu.

Eftir því sem best er vitað byrjaði Ársmiðakerfið í núverandi mynd árið 1994.

Þá fylgdi frítt kaffi ársmiðanum en grunnhugmyndin var að fá félagsmenn til að greiða inní félagið ríflegan aðgangseyrir og fá hlunnindi í staðinn. Þannig gátu menn styrkt klúbbinn.

Eftir að Fylkishöll opnaði haustið 1995 færðust veitingarnar úr gamla félagsheimilinu uppí austurendann þar sem Árbæjarþrek er í dag. 1998 var austurendinn stúkaður af frá “hátíðarsalnum” sem þá var einn opinn geymur.

Veturinn 2000 er salurinn stúkaður af fyrir tónlistarskólann og Árbæjarþrek og settur í núverandi mynd.

Við þær breytingar korthafa kaffið í “hættu”. Salurinn í núverandi mynd rúmar ekki alla korthafa og því komu tveir kostir til greina. Annað hvort að hætta með veitingarnar eða selja inn. Á sama tíma var meistaraflokkur karla að fara að spila í efstu deild eftir nokkurt hlé. Kortin höfðu ekki hækkað frá upphafi og voru þá á eðlilegu verði. Þ.e. að miðaverð á alla leiki var álíka og kortaverðin.

Því var tekin ákvörðun um að selja inní kaffið sérstaklega í stað þess að hækka verðið á Ársmiðunum.

Þessari aðgerð var gefið nafnið Club Orange.

Fyrsti formaður Club Orange var Pétur Stefánsson. Jóhann Kjartansson stýrði málum 2003-2006. Lína var formaður 2007 eða þar til Sigrún Jónsdóttir tók við keflinu. Hefur hún stýrt veitingum síðan með dyggri aðstoð fjölda aðstoðarmanna.

Fjöldinn allur af starfsfólki hefur lagt klúbbnum lið í sjálfboðavinnu í gegnum árin.

2009 var byrjað með Club Orange restaurant og gekk það mjög vel. Fín mæting var á flesta leiki og skilaði starfsemin rúmri milljón í tekjur fyrir deildina.

Stjórn knattspyrnudeildar hefur ákveðið að árið 2010 verður fyrirkomulagið þannig að allir korthafar fá aðgang að Club Orange í hálfleik og Restaurantinn verður áfram á sínum stað.